ଜନଗଣନା ହେଉଛି ଦେଶର ବିକାଶ ଓ ଯୋଜନା ପ୍ରଣୟନ ପାଇଁ ଏକ ମୂଳଦୁଆ। ଏହି ପ୍ରକ୍ରିୟାରେ ସଠିକ୍ ତଥ୍ୟ ପ୍ରଦାନ କରିବା ପ୍ରତ୍ୟେକ ନାଗରିକଙ୍କର କର୍ତ୍ତବ୍ୟ। ସୁଦର୍ଶନ ପଟ୍ଟନାୟକ ନିଜର ଚମତ୍କାର ବାଲୁକା କଳା ମାଧ୍ୟମରେ ସାରା ବିଶ୍ୱରେ ପରିଚିତ। ବର୍ତ୍ତମାନ ସେ ପୁରୀ ବେଳାଭୂମିରୁ ଆରମ୍ଭ କରି ଦେଶର ବିଭିନ୍ନ ସ୍ଥାନରେ ନିଜ କଳା ମାଧ୍ୟମରେ ଲୋକଙ୍କୁ ଜନଗଣନାର ଗୁରୁତ୍ୱ ବୁଝାଇବେ। ବିଶେଷ କରି ସାମାଜିକ ପ୍ରସଙ୍ଗ ଏବଂ ଜାତୀୟ କାର୍ଯ୍ୟକ୍ରମରେ ତାଙ୍କର ବାଲୁକା ଚିତ୍ରକଳା ସବୁବେଳେ ପ୍ରଭାବଶାଳୀ ହୋଇଥାଏ, ତେଣୁ ସରକାର ତାଙ୍କୁ ଏହି ବଡ଼ ଦାୟିତ୍ୱ ଅର୍ପଣ କରିଛନ୍ତି।
ସୁଦର୍ଶନଙ୍କ ଏହି ସଫଳତା ପାଇଁ ଓଡ଼ିଶାର ବିଭିନ୍ନ ମହଲରୁ ତାଙ୍କୁ ଶୁଭେଚ୍ଛାର ସୁଅ ଛୁଟିଛି। ଏହି ନିଯୁକ୍ତି ଦ୍ୱାରା ଜନଗଣନା ପାଇଁ ପ୍ରଚାର ପ୍ରସାର ଆହୁରି ବ୍ୟାପକ ହେବ ଏବଂ ଅଧିକରୁ ଅଧିକ ଲୋକ ଏହି ଜାତୀୟ କାର୍ଯ୍ୟରେ ସାମିଲ ହେବାକୁ ଉତ୍ସାହିତ ହେବେ।
0 Comments