ଛୁଟି ମିଳିଲାନି ବୋଲି ବ୍ୟାଙ୍କ ମ୍ୟାନେଜରଙ୍କୁ ଗୁଳି କରି ହତ୍ୟା କଲା ସିକ୍ୟୁରିଟି ଗାର୍ଡ

ଉତ୍ତରପ୍ରଦେଶର ଗାଜିଆବାଦ ଅଞ୍ଚଳରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି, ଯେଉଁଠାରେ ଜଣେ ସିକ୍ୟୁରିଟି ଗାର୍ଡ ଛୁଟି ନ ମିଳିବାରୁ କ୍ରୋଧିତ ହୋଇ ନିଜ ବ୍ୟାଙ୍କ ମ୍ୟାନେଜରଙ୍କୁ ଗୁଳି କରି ହତ୍ୟା କରିଛି। ଏହି ଘଟଣାଟି ଗାଜିଆବାଦର ଲୋନି ପୋଲିସ ଷ୍ଟେସନ ଅଞ୍ଚଳରେ ଥିବା ପଞ୍ଜାବ ଏବଂ ସିନ୍ଧ ବ୍ୟାଙ୍କରେ ଘଟିଛି। ମୃତ ମ୍ୟାନେଜରଙ୍କ ନାମ ଅଭିଷେକ ଶର୍ମା ବୋଲି ଜଣାପଡିଛି। ସୂଚନା ଅନୁଯାୟୀ, ଗାର୍ଡ ରବୀନ୍ଦ୍ର ହୁଡା ଦୀର୍ଘ ଦିନ ହେବ ଛୁଟି ପାଇଁ ଆବେଦନ କରୁଥିଲେ ମଧ୍ୟ ମ୍ୟାନେଜର ତାଙ୍କୁ ଛୁଟି ଦେଉନଥିଲେ। ସୋମବାର ପ୍ରାୟ ଦିନ ୧:୪୫ ସମୟରେ ଉଭୟଙ୍କ ମଧ୍ୟରେ ଏହି ବିଷୟକୁ ନେଇ ପୁଣି ବଚସା ହୋଇଥିଲା ଏବଂ ପରିଶେଷରେ ଗାର୍ଡ ଜଣକ ନିଜ ବନ୍ଧୁକରୁ ମ୍ୟାନେଜରଙ୍କ ଛାତିକୁ ଗୁଳି କରିଥିଲେ।