ପିରିୟଡ୍ସ ଛୁଟିକୁ ଆଇନସମ୍ମତ କରିବା ଦାବି ଖାରଜ କଲେ ସୁପ୍ରିମକୋର୍ଟ: “ଏହା ମହିଳାଙ୍କ କାର୍ଯ୍ୟସୂଯୋଗକୁ କ୍ଷତି କରିପାରେ”

ନୂଆଦିଲ୍ଲୀ: ଭାରତର ସୁପ୍ରିମକୋର୍ଟ ସମ୍ପୂର୍ଣ୍ଣ ଦେଶରେ ମହିଳା କର୍ମଚାରୀ ଓ ଛାତ୍ରୀମାନଙ୍କ ପାଇଁ ବାଧ୍ୟତାମୂଳକ ମାସିକ ଋତୁସ୍ରାବ(Menstrual) ଛୁଟି ଲାଗୁ କରିବାକୁ ଦାବି କରିଥିବା ଏକ ସାଧାରଣ ହିତ ମାମଲା (PIL) କୁ ଖାରଜ କରିଛନ୍ତି। କୋର୍ଟ କହିଛନ୍ତି ଯେ ଏହିପରି ବାଧ୍ୟତାମୂଳକ ଆଇନ କରାଗଲେ ଏହା ମହିଳାଙ୍କ ନିଯୁକ୍ତି ଓ କାର୍ଯ୍ୟଜୀବନରେ ଉଲ୍ଟା ପ୍ରଭାବ ପକାଇପାରେ। 

କୋର୍ଟର ମତାମତ

ମୁଖ୍ୟ ନ୍ୟାୟାଧୀଶଙ୍କ ନେତୃତ୍ୱରେ ଥିବା ବେଞ୍ଚ ଶୁଣାଣି ସମୟରେ କହିଥିଲେ ଯେ ଯଦି ପ୍ରତିମାସ ମାସିକ ଋତୁସ୍ରାବ ଛୁଟିକୁ ଆଇନ ଦ୍ୱାରା ବାଧ୍ୟତାମୂଳକ କରାଯାଏ, ତେବେ ନିଯୁକ୍ତିଦାତାମାନେ ମହିଳାଙ୍କୁ କାମରେ ନେବାକୁ ଅନାଗ୍ରହୀ ହେବେ। କୋର୍ଟ ମତ ଦେଇଛନ୍ତି ଯେ ଏହା ମହିଳାଙ୍କ ପାଇଁ ଅଧିକ ସୁଯୋଗ ସୃଷ୍ଟି କରିବାରୁ ବଦଳରେ ତାଙ୍କୁ କାମ ଦେବାରେ ଅନିଚ୍ଛା ସୃଷ୍ଟି କରିପାରେ। 

ନୀତିଗତ ନିଷ୍ପତ୍ତି ସରକାରଙ୍କ କାମ

ସୁପ୍ରିମକୋର୍ଟ ଏହା ମଧ୍ୟ କହିଛନ୍ତି ଯେ ଏହି ବିଷୟଟି ଆଇନଗତ ନୁହେଁ, ବରଂ ଏକ ନୀତିଗତ ନିଷ୍ପତ୍ତି। ଏହାକୁ କେନ୍ଦ୍ର ସରକାର ଓ ରାଜ୍ୟ ସରକାରମାନେ ଆଲୋଚନା କରି ନିଷ୍ପତ୍ତି ନେବା ଉଚିତ। ନ୍ୟାୟାଳୟ ଏହି ମାମଲାରେ ସିଧାସଳଖ ହସ୍ତକ୍ଷେପ କରିବାକୁ ଉଚିତ ମନେ କରିନଥିଲେ।

 

କିଛି ରାଜ୍ୟରେ ଆଗରୁ ରହିଛି ବ୍ୟବସ୍ଥା

ଯଦିଓ ଦେଶବ୍ୟାପୀ ନୀତି ନାହିଁ, କିଛି ରାଜ୍ୟ ଓ କିଛି ବେସରକାରୀ ସଂସ୍ଥା ମହିଳାଙ୍କ ପାଇଁ ମାସିକ ଛୁଟିର ବ୍ୟବସ୍ଥା କରିଛନ୍ତି। କୋର୍ଟ କହିଛନ୍ତି ଯେ ଯଦି କୌଣସି ସଂସ୍ଥା କିମ୍ବା ରାଜ୍ୟ ସ୍ୱଇଚ୍ଛାରେ ଏହି ପ୍ରକାର ଛୁଟି ଦେଇଥାଏ, ତାହା ସ୍ୱାଗତଯୋଗ୍ୟ। କିନ୍ତୁ ଏହାକୁ ସମଗ୍ର ଦେଶରେ ବାଧ୍ୟତାମୂଳକ ଆଇନ ଭାବରେ ଲାଗୁ କରିବା ସଠିକ୍ ନୁହେଁ। 

ମାମଲାର ପୃଷ୍ଠଭୂମି

ଏହି ମାମଲା ଦ୍ୱାରା ଦାବି କରାଯାଇଥିଲା ଯେ ମହିଳା କର୍ମଚାରୀ ଓ ଛାତ୍ରୀମାନେ ମାସିକ ସମୟରେ ଶାରୀରିକ ଅସୁବିଧା ଭୋଗନ୍ତି, ସେହିପାଇଁ ସେମାନଙ୍କୁ ବିଶେଷ ଛୁଟି ଦିଆଯିବା ଉଚିତ। କିନ୍ତୁ ସୁପ୍ରିମକୋର୍ଟ କହିଛନ୍ତି ଯେ ଏହାର ସମାଧାନ ଆଇନ ନୁହେଁ, ବରଂ ସରକାରୀ ନୀତି ମାଧ୍ୟମରେ ଆସିବା ଦରକାର। 

ଏହି ନିଷ୍ପତ୍ତି ପରେ ଦେଶରେ ମାସିକ ଛୁଟି ନେଇ ପୁନର୍ବାର ଚର୍ଚ୍ଚା ତିବ୍ର ହୋଇଛି, ଯେଉଁଠାରେ କେହି ଏହାକୁ ମହିଳାଙ୍କ ସ୍ୱାସ୍ଥ୍ୟ ପାଇଁ ଆବଶ୍ୟକ କହୁଛନ୍ତି, ତାଏ କେହି ଏହାକୁ କାର୍ଯ୍ୟସୂଯୋଗ ଉପରେ ପ୍ରଭାବ ପକାଇପାରିବା ଦୃଷ୍ଟିରୁ ଆଲୋଚନା କରୁଛନ୍ତି।