ମିଳିଥିବା ସୂଚନା ଅନୁଯାୟୀ, ଗତକାଲି ସନ୍ଧ୍ୟା ସମୟରେ ବାଲେଶ୍ୱର ଦିଗକୁ ଯାଉଥିବା ଏକ ଯାତ୍ରୀବାହୀ ଟ୍ରେନ ସମ୍ମୁଖରେ ଉଭୟେ ଡେଇଁ ପଡିଥିଲେ। ଟ୍ରେନର ଭୟଙ୍କର ଧକ୍କାରେ ଘଟଣାସ୍ଥଳରେ ହିଁ ଶାଳୀ ଓ ଭିଣୋଇଙ୍କ ମୃତ୍ୟୁ ଘଟିଥିଲା।
ମୃତକମାନେ ହେଲେ ଜଳେଶ୍ୱର ଥାନା ଅନ୍ତର୍ଗତ ରାଜପୁର ଗ୍ରାମର ବିଜୟ ସାହୁ ଓ ବାଲିଆପାଳ ଥାନା ଅଞ୍ଚଳର ସଂଯୁକ୍ତା ସାହୁ। ସୂଚନା ଅନୁସାରେ, ବିଜୟ ସାହୁ ଗତକାଲି ନିଜ ଶାଳୀ ସଂଯୁକ୍ତାଙ୍କୁ ନେଇ ଘରକୁ ଆସିଥିଲେ। ପରେ କୌଣସି ପରିବାରିକ କାରଣ କିମ୍ବା ଅନ୍ୟ କୌଣସି ବିବାଦକୁ ନେଇ ଉଭୟେ ଏପରି ଚରମ ପଦକ୍ଷେପ ନେଇଥିବା ସନ୍ଦେହ କରାଯାଉଛି।
ଘଟଣା ସମ୍ପର୍କରେ ଖବର ପାଇ ରେଳବାଇ ପୋଲିସ ଘଟଣାସ୍ଥଳରେ ପହଞ୍ଚି ଦୁଇଟି ମୃତଦେହକୁ ଜବତ କରିଥିଲେ। ପରେ ପୋଷ୍ଟମର୍ଟମ ପାଇଁ ପଠାଇ ଦିଆଯାଇଥିବା ସହ ଘଟଣାର ସଠିକ୍ କାରଣ ଜାଣିବାକୁ ତଦନ୍ତ ଜାରି ରହିଛି।
0 Comments